Bilimni baholash agentligining abituriyentlarni onlayn ro‘yxatga olish tizimi Personallashtirish agentligi bilan integratsiya qilingan bo‘lib, abituriyentlarning pasport ma’lumotlari Personallashtirish agentligidan olinadi.

Buning uchun abituriyent ro‘yxatdan o‘tish vaqtida shaxsiy identifikatsiya raqami hamda pasport seriyasi va raqamini dasturga kiritganda, mazkur ma’lumotlar asosida Personallashtirish agentligiga so‘rov yuborilib, abituriyentning familiyasi, ismi, otasining ismi, tug‘ilgan sanasi, rasmi kabi ma’lumotlar Personallashtirish agentligining bazasidan real vaqtda olinadi.

Hozirda Personallashtirish agentligi bazasi ishlamayotganligi sababli, my.uzbmb.uz saytida uzilishlar yuzaga kelmoqda.

Ayni vaqtda Personallashtirish agentligi tomonidan mazkur muammoni bartaraf etish bo‘yicha tegishli ishlar olib borilmoqda.

Keltirilgan noqulaylik uchun uzr so‘raymiz!