2020-jıl 17-dekabr kúni Mámleketlik test orayında Ózbekstan Respublikası Prezidentiniń mámleketlik stipendiyalarına talaban bolǵan tayanısh doktorantlar ushın test sınawlarınıń birinshi basqıshı bolıp ótti.
Bul basqıshta olar informaciyalıq texnologiyalar hám Ózbekstan tariyxı pánlerinen ózbek hám rus tillerinde (talabanlardıń tańlawı boyınsha)sınaqtan ótkerildi.
Test tapsırıwshılarǵa hárbir pánnen 35 ten jámi 70 test tapsırması hám onı orınlaw ushın 2 saat 30 minut waqıt berildi.
Test tapsırmalarınıń keyingi basqıshı erteń 18-dekabr kúni shet tilin biliw hám iyelew dárejesin anıqlaw boyınsha ótkeriledi.
Mámleketlik test orayı xabar xızmeti
