2019-yil 5-oktabr kuni Anhor.uz tahririyati tomonidan "Bizga javob berishmadi: Davlat test markazi" nomli maqola e'lon qilindi.
Unda Davlat test markazi Anhor.uz nashrining 2019-yil 1-sentabrdagi so‘roviga javob bermagani, so‘rov DTM tomonidan 10-sentabr kuni qabul qilingani yozilgan.
Shuningdek,
Xulosa: DTM “Davlat hokimiyati va boshqaruvi organlari faoliyatining ochiqligi to‘g‘risida”gi qonunni (19-modda) buzdi, unga ko‘ra OAVning so‘rovi uzog‘i bilan 7 kun ko‘rib chiqiladi.
deya qayd etilgan.
Haqiqatdan ham Anhor.uz nashridan Davlat test markaziga so'rov yuborilgan bo'lib, mazkur so'rov 1-sentabr kuni emas 9-sentabr kuni yuborilgan va Davlat test markazida 10-sentabr kuni ro'yxatdan o'tkazilgan.
Davlat test markazi tomonidan 13-sentabr kuni so'rovga 89-02-6652-sonli xat orqali javob berilgan va ko'rsatilgan manzilga yuborilgan.
Buni 13-sentabrdagi ichki pochta jo'natmalari ro'yxatidan ko'rish mumkin.
Shularni hisobga olib Davlat test markazi Anhor.uz tahririyatidan zudlik bilan raddiya berishini qat'iy talab qiladi.
Shuningdek, Anhor.uz tahririyatidan Davlat test markazi to'g'risida ma'lumot e'lon qilishda qonunchilikka amal qilish so'raladi.
Davlat test markazi
