2019-yil 18-dekabr kuni Davlat test markazi hay’atining navbatdagi yig‘ilishi a’zolarning to‘liq tarkibi ishtirokida bo‘lib o‘tdi.

Yig‘ilishda hisobot yilida amalga oshirilgan ishlar, Davlat test markazi hay’ati ish rejasining ijrosi, ijro intizomi holati, jismoniy va yuridik shaxslarning murojaatlari ijrosi batafsil muhokama qilindi.

 So‘ngra, Davlat test markazining Qoraqalpog‘iston Respublikasi, Xorazm, Buxoro, Samarqand, Jizzax, Navoiy, Sirdaryo viloyatlari bo‘lim boshliqlarining hisobotlari tinglandi. Hisobotlarda erishilgan muvaffaqiyatlar bilan bir qatorda, yo‘l qo‘yilgan ayrim kamchilik va xatolar tahlil qilindi hamda ularni bartaraf etish bo‘yicha takliflar qabul qilindi.

Shuningdek, yig‘ilishda 2020/2021 o‘quv yilida o‘tkaziladigan test sinovlarini yanada shaffof, adolatli, xalq bilan yaqinlikda o‘tkazilishini ta’minlash yuzasidan muhim qarorlar qabul qilindi.

Davlat test markazi matbuot xizmati