O‘zbekiston Respublikasi Vazirlar Mahkamasining “Test tizimini takomillashtirishga qaratilgan qo‘shimcha chora – tadbirlar to‘g‘risida” 2020-yil 17-sentabrdagi 562-son qaroriga asosan, Davlat test markazi huzurida Ilmiy-o‘quv amaliy markazi tashkil etildi.

Ilmiy markazning asosiy vazifalari:

• test materiallarini ishlab chiqish va ularning sifatini aniqlash, testologiya va pedagogik o‘lchovlar sohasidagi ilmiy-tadqiqot natijalarini nashr etish;
• test materiallarini ishlab chiqish va ularning sifatini aniqlash bo‘yicha mutaxassislar – testologlarni tayyorlash, bu borada mahalliy va xalqaro oliy ta’lim muassasalari bilan o‘zaro hamkorlikni yo‘lga qo‘yish;
• shartnoma asosida qisqa va uzoq muddatli testologiya, pedagogik o‘lchovlar, chet tillari bo‘yicha tinglovchilarning malakasini oshirish, diagnostik test sinovlarini tashkil etish;
• testologiya va pedagogik o‘lchovlar sohasida ilmiy izlanish olib boruvchi shaxslar uchun zarur shart-sharoitlar yaratish, xorijiy tajribani o‘rganish asosida milliy tizimni yaratish bo‘yicha takliflar ishlab chiqish;
• xalqaro imtihon oluvchi tashkilotlar bilan hamkorlikda imtihonlarni tashkil etish va o‘tkazish.

Ilmiy markaz barcha davlat va nodavlat tashkilotlarni quyidagilar bo‘yicha hamkorlikka taklif etadi:

• pedagogik o‘lchov vositalari bo‘yicha xodimlarning malakasini oshirish;
• o‘quvchilarning bilimini standart pedagogik o‘lchov vositasida aniqlash;
• pedagogik o‘lchov vositalarining sifatini aniqlash;
• pedagogik o‘lchov vositalari sohasida ilmiy hamkorlik qilish.

Ilmiy markaz ish vaqti:

Dushanba – Juma: 09:00 dan 18:00 gacha.

Tushlik vaqti: 13:00 dan 14:00 gacha.

Manzil: 100084, Toshkent shahri, Yunusobod tumani, Bog‘ishamol ko‘chasi, 12-uy.

Bog‘lanish uchun: @ilmiymarkazuchun, a.baratov@dtm.uz.

Ilmiy markaz faoliyatiga oid rasmiy ma’lumotlar Ilmiy markazning rasmiy telegram kanalida berib boriladi: https://t.me/dtmilmiymarkaz.

Davlat test markazi matbuot xizmati