Joriy yilning 28-dekabr kuni soat 11.00 da matbuot anjumani o‘tkazilishi rejalashtirildi. Anjuman O‘zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligida tashkil etiladi.

Matbuot anjumanida test sinovi topshiriladigan fanlar majmuasida o‘zgarishlar, test topshiriqlari soni va baholash mezoni, abituriyentlarni Davlat test markazining rasmiy sayti orqali online ro‘yxatga olish tizimi, test sinovlarini o‘tkazish muddatlariga o‘zgartirish kiritish, Davlat tili (o‘zbek) va rus tilini bilish darajasi to‘g‘risida sertifikat berishni joriy etish, shuningdek, Britaniya kengashi bilan hamkorlikda “APTIS for teachers” testlarini o‘tkazish to‘g‘risida ma’lumotlar taqdim etiladi.

Barcha ommaviy axborot vositalari vakillari va blogerlarni taklif etamiz.

Davlat test markazi matbuot xizmati