O`tgan hafta davomida o`tkazilgan test sinovlari davom ettirildi. Talabgorlarning qiziqishlarini hisobga olib, diagnostik test sinovlari muntazam o`tkazib borilishi belgilandi.

Shuningdek, diagnostik test sinovlari bo`yicha yana bir yangilik: endilikda har hafta Davlat test markazi tomonidan tashkil etiladigan diagnostik test sinovlarida ishtirok etib, eng yuqori ball to‘plagan test topshiruvchi rag‘batlantirib boriladi. G‘olib o‘zi xohlagan fandan test topshiriqlari to‘plami bilan taqdirlanadi.

 
Har haftada o‘tkazilishi rejalashtirilgan ushbu tadbir orqali talabgorlar o‘z bilimlarini sinash, yangi joriy etilayotgan test materiallari (test topshiriqlari kitobi va javoblar varaqasi) bilan ishlash ko‘nikmasiga ega bo‘lmoqdalar.
Eslatib o‘tamiz, test sinovida ishtirok etish istagini bildirgan talabgorlar https://5fan.dtm.uz/ sayti orqali ro‘yxatdan o‘tishlari va kerakli test variantlariga buyurtma  berishlari mumkin.
Diagnostik test sinovidan tashqari, 29-yanvar kuni Davlat test markazi tomonidan muddatli harbiy xizmatni tugatayotganlar uchun test sinovlari davom ettirildi.

   
Shuningdek, chet tilidan ustama haq belgilash bo‘yicha sinovning “gapirish” bosqichi bo‘lib o‘tdi.

   

Davlat test markazi barcha talabgorlarga muvaffaqiyat tilaydi.

Davlat test markazining matbuot xizmati