Talabanlardıń qızıǵıwshılǵı esapqa alınıp, diagnostikalıq test sınawların turaqlı ótkerip barıw belgilendi.

Sonday-aq, diagnostikalıq test sınawları boyınsha jáne bir jańalıq: endi hár hápte Mámleketlik test orayı tárepinen shólkemlestiriletuǵın test sınawlarında qatnasıp, eń joqarı ball toplaǵan test tapsırıwshı xoshametlenip barıladı. Jeńimpaz ózi qálegen pánnen test tapsırmaları toplamı menen sıylıqlanadı.

Hár háptede ótkeriliwi jobalastırılǵan bul ilaj arqalı talabanlar óz bilimlerin sınaw, jańadan engizilip atırǵan test materialları (test tapsırmaları kitabı hám juwaplar beti) menen islew kónlikpesine iye bolmaqta.

Esletip ótemiz, test sınawında qatnasıw tilegin bildirgen talabanlar bul (https://5fan.dtm.uz/) qosımsha arqalı dizimnen ótiwi hám kerekli test variantlarına buyırtpa beriwi múmkin.

Diagnostikalıq test sınawınan basqa, 29-yanvar kúni Mámleketlik test orayı tárepinen múddetli áskeriy xızmetti tamamlap atırǵanlar ushın test sınawları dawam ettiriledi.

Sonday-aq, shet tilinen ústeme haqı belgilew boyınsha sınawdıń “sóylew” basqıshı bolıp ótti.

Mámleketlik test orayı barlıq talabanlarǵa áwmet tileydi.

Mámleketlik test orayı xabar xızmeti