2019 yilning 15 aprel kuni “Matbuot anjumanlarining 2019-yil I-yarim yillik rejasi”ga asosan Davlat test markazi tomonidan “Pedagogik o‘lchovlar, test topshiriqlarini shakllantirish va test savollari bazasi bilan ishlash tamoyillari” mavzuida matbuot anjumani o‘tkazildi. 

Anjuman O‘zbekiston milliy matbuot markazi binosida tashkil etildi. Unda Davlat test markazi direktori o‘rinbosari Xakberdiyev Kaxramon Kurbanovich, boshqarma boshlig‘i Zuparxodjayeva Sevar Zakirovna, bo‘lim boshliqlari Nurmanov Ulugbek Anorbayevich, Yusupov Jambul Ruslonovich, Axborot xizmati rahbari Boboyev Orziqul Mirzayevich va bosh mutaxassis Yusupov Azamat Rustamovichlar ishtirok etdilar. 

Tadbir davomida Test topshiriqlari bazasini shakllantirishda joriy yildagi yangiliklar – test topshiriqlarida grafik, yozuvsiz karta, rasmlarning qo‘llanilishi, adabiyot fanidan ta'lim muassasalari o‘quv dasturiga kiritilgan badiiy asarlardan ayrimlarini to‘liq o‘qish, o‘lcham birliklarining yangicha ifodalanishi (O‘R VM 10.01.2018-y. 21-son qarori) bo‘yicha va shuningdek, test topshiriqlari bazasini shakllantirishning Davlat ta'lim standartlariga muvofiqligi, test topshiriqlarini tuzish talablariga muvofiqligi, maxfiylik, turli xil ta'lim tizimi mutaxassislarining ishtiroki, ekspertizaning ko‘p marotabaligi kabi tamoyillari bo'yicha olib borilayotgan ishlar to‘g‘risida keng ma'lumotlar berildi. 

Jarayon davomida tele va radiokanallar, bosma va elektron ommaviy axborot vositalari vakillari, blogerlarning savollariga batafsil javob berildi. 

Matbuot anjumani qizg‘in musohaba ruhida o‘tdi.

Axborot xizmati