Mámleketlik test orayı hákimshiligi juwapker xızmetkerleri tárepinen orınlarda ushırasıwlar ótkerilmekte.

2019-jıl 25-dekabr kúni Sirojiddinov atındaǵı akademiyalıq liceyinde shólkemlestirilgen ushırasıwda Mámleketlik test orayı direktorınıń orınbasarı Batirov Sherzod Negmuratovich, bas basqarma baslıǵı Rajabov Barna Joraqulovich, basqarma baslıǵı Qoshqarov Diyorbek Uluǵbekovich, bólim baslıǵı Nurmanov Uluǵbek Anorbayevich, sonday-aq, akademiyalıq licey hákimshiligi, oqıtıwshılar, oqıwshıları hám ata-anaları qatnastı.

Ushırasıwda dawamında Mámleketlik test orayı xızmeti, Ózbekstan Respublikası Prezidentinıń 2019-jıl 14-maydaǵı “Joqarı bilimlendiriw mekemelerine test sınawları arqalı qabıllaw sistemasın jetilistiriw boyınsha qosımsha is-ilajlar haqqında” PQ-4319-sanlı, Ministrler Kabinetiniń 2018-jıl 3-apreldegi 261-sanlı hám de 2019-jıl 13-maydaǵı 395-sanlı qararlarınıń mazmun-mánisine ayırıqsha itibar qaratıldı.

Sonday-aq, 2020/2021-oqıw jılı qabıllawı hám kiriw test sınawlarındaǵı jańalıqlar, imkaniyatlar, imtiyazlar hám de hújjet tapsırıw procesinde jaratılıp atırǵan qolaylılıqlar, basqa áhmiyetli ózgerisler haqqında maǵlıwmatlar berildi.

Sonıń menen birge, Mámleketlik test orayınıń rásmiy veb-saytı járdeminde onlayn dizimnen ótiw, test sınawınan ótiw tártibi, bul baǵdardaǵı ózgerisler boyınsha tikkeley veb-sayttan hám isenim telefonı arqalı qosımsha zárúrli maǵlıwmatlardı alıp turıw haqqında másláhát, usınıslar berildi.

Ushırasıw qızǵın soraw-juwaplar, pikirlesiwler tárizinde bolıp ótti.

Mámleketlik test orayı xabar xızmeti