Davlat test markazi rahbariyati va mas‘ul xodimlari tomonidan joylarda uchrashuvlar o‘tkazilmoqda.

Ana shunday uchrashuvlardan biri 2019-yil 25-dekabr kuni Sirojiddinov nomli akademik litseyida tashkil etildi. Unda Davlat test markazi direktorining o‘rinbosari Batirov Sherzod Negmuratovich, bosh boshqarma boshlig‘i  Rajabov Barna Jo‘raqulovich, boshqarma boshlig‘i Qo‘chqarov Diyorbek Ulug‘bekovich, bo‘lim boshlig‘i Nurmanov Ulug‘bek Anorbayevich, shuningdek, akademik litsey ma‘muriyati, o‘qituvchilar, o‘quvchilar va ota-onalar ishtirok etdilar.

Uchrashuv davomida Davlat test markazi faoliyati, O‘zbekiston Respublikasi Prezidentining 2019-yil 14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida” PQ-4319-son, Vazirlar Mahkamasining 2018-yil 3-apreldagi 261-son  hamda 2019-yil 13-maydagi 395-son qarorlarining mazmun-mohiyatiga alohida e‘tibor qaratildi.

Shuningdek, 2020/2021-o‘quv yili qabuli va kirish test sinovlaridagi yangiliklar, taqdim etilayotgan imkoniyatlar, imtiyozlar hamda hujjat topshirish jarayonida yaratilayotgan qulayliklar, boshqa muhim o‘zgarishlar yuzasidan ma‘lumotlarlar berildi.

Shu bilan birga, Davlat test markazining rasmiy veb-sayti yordamida online ro‘yxatdan o‘tish, test sinovi topshirish tartibi, bu borada o‘zgarishlar bo‘yicha bevosita veb-saytdan va ishonch telefoni orqali qo‘shimcha zarur ma‘lumotlar olib turish haqida maslahatlar, tavsiyalar berildi.

Uchrashuv davomida ishtirokchilarning savollariga batafsil javoblar berib borildi hamda bildirilgan takliflar, fikr-mulohazalarga munosabat bildirildi.

Uchrashuv qiziqarli, mazmunli va ko‘tarinki ruhda o‘tdi

Davlat test markazi matbuot xizmati