Mámleketlik test orayı ulıwma bilimlendiriw pánlerinen test tapsırmaların qáliplestiriw, test texnologiyalarınıń zamanagóy mexanizmlerin engiziw hám  xalıqaralıq tájiriybelerdi úyrengen halda bilimlerdi bahalawdıń milliy sistemasın islep shıǵıw ushın joqarı maǵlıwmatqa iye bolǵan tájiriybeli qánigelerdi jumısqa shaqıradı.

Qánigeler:

• ózbek tili hám ádebiyat;
• rus tili hám ádebiyat;
• qaraqalpaq tili hám ádebiyat;
• tájik tili hám ádebiyat;
• qazaq tili hám ádebiyat;
• qırǵız tili hám ádebiyat;
• túrkmen tili hám ádebiyat;
• inglis tili;
• nemec tili;
• francuz tili;

Sonday-aq, ózbek, rus hám qaraqalpaq tillerinde:

• fizika;
• matematika;
• ximiya;
• biologiya;
• tariyx;
• geografiya pánleri boyınsha jumısqa shaqıradı.

Talabanlarǵa qoyılatuǵın talaplar:

• qánigeligi boyınsha pedagogikalıq tájiriybege iye bolıw;
• bilimlendiriwge tiyisli normativ-huqıqıy hújjetler (“Bilimlendiriw haqqında”ǵı qarar, mámleketlik bilimlendiriw standartları, oqıw baǵdarlamaları, ámeldegi sabaqlıqlar) menen isley alıw;
• qánigelik páninen test tapsırmaların qáliplestiriw hám ekspertiza qıla alıw;
• pedagogikalıq ólshemler hám testologiyaǵa tiyisli teoriyalıq bilimlerge iye bolıw;
• tarawǵa tiyisli xalıqaralıq tájiriybelerden xabardar bolıw;
• test tapsırmaların dúziw metodikası hám onıń túrleri haqqında maǵlıwmatqa iye bolıw.

Talabanlardan ózleri jónindegi maǵlıwmatnamanı (obyektivka) telefon nomerlerin kórsetken halda test_tex@dtm.uz elektron pochta mánziline jiberiwi soraladı.

Hújjetler 31-yanvarǵa shekem qabıllanadı.

Jumısqa qabıllanǵan qánigeler ushın Mámleketlik test orayı janındaǵı Ilimiy-oqıw ámeliy orayı tárepinen “Bilimlerdi bahalaw testlerin islep shıǵıw teoriyası hám ámeliyatı” boyınsha 36 saatlıq tájiriybe arttırıw kursları shólkemlestiriledi.

Mámleketlik test orayı xabar xızmeti