Mámleketlik test orayı tárepinen ulıwma bilimlendiriw pánlerinen test tapsırmaların qáliplestiriw, test texnologiyalarınıń zamanagóy mexanizmlerin engiziw hám xalıqaralıq tájiriybelerdi úyrengen halda bilimlerdi bahalawdıń milliy sistemasın islep shıǵıw ushın tómendegi ulıwma bilimlendiriw pánleri boyınsha (ózbek hám rus tillerinde) joqarı maǵlıwmatqa iye bolǵan tájiriybeli qánigelerdi jumısqa mirát etedi:

• fizika;
• matematika;
• ximiya;
• biologiya;
• inglis tili;
• geografiya.

Talabanlarǵa qoyılatuǵın talaplar:

• qánigeligi boyınsha pedagogikalıq tájiriybege iye bolıw;
• bilimlendiriwge tiyisli normativ-huqıqıy hújjetler (“Bilimlendiriw haqqında”ǵı nızam, mámleketlik bilimlendiriw standartları, oqıw baǵdarlamaları, ámeldegi sabaqlıqlar) menen islese alıw;
• qánigelik páninen test tapsırmaların qáliplestiriw hám ekspertiza qıla alıw;
• pedagogikalıq ólshemler hám testologiyaǵa tiyisli teoriyalıq bilimlerge iye bolıw;
• tarawǵa tiyisli xalıqaralıq tájiriybelerden xabardar bolıw;
• test tapsırmaların dúziw metodikası hám onıń túrleri haqqında maǵlıwmatqa iye bolıw.

Talabanlardan ózleri haqqındaǵı maǵlıwmatnama (obyektivka)nı telefon nomerlerin kórsetip, test_tex@dtm.uz elektron pochta mánziline jiberiwi soraladı.

Hújjetler 20-martqa shekem qabıllanadı.

Jumısqa qabıllanǵan qánigeler ushın Mámleketlik test orayı janındaǵı Ilimiy-oqıw ámeliy orayı tárepinen “Bilimlerdi bahalaw testlerin islep shıǵıw teoriyası hám ámeliyatı” boyınsha 36 saatlıq tájiriybe arttırıw kursları shólkemlestiriledi.

Mámleketlik test orayı xabar xızmeti