Usı jıldıń 6-dekabr kúni Britaniya Keńesiniń Ózbekstandaǵı wákilligi wákilleri menen Mámleketlik test orayı basqarıwshılıǵı ortasında ushırasıw bolıp ótti.

Ushırasıwda Britaniya Keńesi tárepinen Britaniya Keńesiniń Ózbekstandaǵı wákilligi direktorı orınbasarı J.Gulyamova hám de biznesti rawajlandırıw menejeri A.Sadikov qatnastı.

Mámleketlik test orayı tárepinen Mámleketlik test orayı direktorı  M.Karimov, direktor orınbasarı K.Xakberdiyev, basqarma baslıǵı S.Radjabov hám de yuridikalıq byuro baslıǵı G.Madraximova qatnastı.

Ushırasıw dawamında birge islesiwdi jáne de rawajlandırıw, bar bolǵan joybarlardı ámelge asırıwdaǵı mashqalalar hám de Mámleketlik test orayı tárepinen 2020-jıl 5-7-may kúnleri shólkemlestiriliwi jobalastırılǵan xalıqaralıq konferenciya haqqında eki shólkemniń pikir hám usınısları tıńlandı.

Ushırasıwda Britaniya Keńesi tárepinen Britaniya Keńesiniń Ózbekstandaǵı wákilligi direktorı orınbasarı J.Gulyamova «APTIS for teachers» testlerin birgelikte ótkeriw ushın alıp barılıp atırǵan isler hám bar bolǵan mashqalalar sheshimi haqqında maǵlıwmatlar berip ótti hám de xalıqaralıq konferenciyada qatnasıw ushın dúnyanıń aldı qánigelerin tartıw jobaları haqqında ortaqlasıldı.  Mámleketlik test orayı direktorı da óz ornında «APTIS for teachers» testlerin birgelikte ótkeriw ushın házirgi kúnge shekem qılınǵan isler haqqında maǵlıwmat berip ótti. Xalıqaralıq konferenciyada Britaniya Keńesiniń ornı úlken bolıwın hám olardıń tájiriybesinen paydalanıw kerekligin atap ótti.

Ushırasıwda xalıqaralıq konferenciyanı shólkemlestiriw hám ótkeriw boyınsha toparǵa Evropanıń jetekshi qánigelerinen biri Viktoriya Klarktı qosıw usınısı eki tárepten de qollap-quwatlandı.

Ushırasıw kóterińki ruwxta hám de eki shólkemniń birge islesiwinde jáne bir jańa dáwir baslanıwına jańa qádem boldı desek hesh te asıra aytqan bolmaymız.

Mámleketlik test orayı xabar xızmeti