Bugun xalqaro Central Asia Certification tashkiloti tomonidan Davlat test markazining boshqaruv faoliyati xalqaro ISO 9001:2015 standartlar bo‘yicha talablarga mosligi tasdiqlandi va tegishli sertifikat topshirildi.

Tadbirda har ikki tomondan ham vakillar hozir bo‘ldilar.

Eslatish joizki, 2020-yilda sertifikatlashtirish bo‘yicha mustaqil tashkilot va xalqaro G-CERTI tashkiloti (Janubiy Koreya)ning O‘zbekistondagi vakili hisoblangan (AQSh tashkilotida akkreditatsiyadan o‘tgan) Central Asia Certification tomonidan Davlat test markazining sifat menejmenti tizimi xalqaro ISO 9001:2015 standartlariga mosligi yuzasidan audit o‘tkazildi. Audit natijasiga ko‘ra Davlat test markazining sifat menejmenti tizimi jahon standartlari talablariga to‘la mos kelishi qayd etildi.

Sifat menejmenti tizimini joriy etishning asosiy ustunligi tashkilot rahbarlari va iste’molchilarga faqat muntazam yuqori sifatli xizmatlar ko‘rsatilishiga va faoliyat davomida ishonchli boshqaruvga kafolat berishi hisoblanadi.

Uning yana bir ijobiy tomoni sifat menejmenti tizimi iste’mol qilinadigan resurslarni kamaytiradi va xatolarni bartaraf etadi.

ISO 9001 standarti faoliyat yuritishda yagona talablarni o‘rnatadi.

Xalqaro sertifikatning ustunligi quyidagilarga imkon yaratadi:

• manfaatdor tomonlarning ehtiyojlarini sermahsullik bilan qondirish;
• vaqt va moliyaviy resurslardan maqsadli foydalanish;
• yuzaga kelgan xatolarni muvofiqlashtirish va tezkorlik bilan bartaraf etish;
• ichki jarayonlarning takomillashuvini rag‘batlantirish va jamoani yangi darajadagi intiluvchanlikka yo‘naltirish;
• xorijiy hamkor va tashkilotlar talablariga mos kelish va ishonchni orttirish;
• yuqori sifat xizmatini namoyon etish.

Davlat test markazi matbuot xizmati