Ommaviy axborot vositalarida ro‘yxatdan o‘tish joylarida abiturientlarning to‘planib qolishlari, katta navbatlar yuzaga kelganligi to‘g‘risida ma'lumotlar tarqalmoqda. Achinarlisi, holat uchun Davlat test markazining elektron dasturi tizimi sabab sifatida ko‘rsatilmoqda. Bu o‘z navbatida jamoatchilikda muassasamizga nisbatan ishonchsizlik ruhini uyg‘otishi mumkin.

Shulardan kelib chiqqan holda va aynan real holatlarni keng jamoatchilikka yetkazish maqsadida Davlat test markazi ayni paytda yopiq rejimda faoliyat olib borayotgan bo‘lsa-da, tezkor faoliyati, o‘ta muhim mavzularni yoritishga e'tibor berishi bilan o‘z o‘rni hamda hurmatga ega bo‘lgan kun.uz veb-sayti ijodiy jamoasini Davlat test markaziga taklif etdik. Jamoa Davlat test markazining elektron dasturi tizimi faoliyati bilan yaqindan va mukammal tanishdi. Qayd etish kerakki, Davlat test markazining mutaxassislari tomonidan dasturning texnik imkoniyatlari, ishlash tamoyillari, tezligi, ma'lumotlarni qabul qilish xususiyatlari bo‘yicha batafsil ma'lumot berildi.

kun.uz sayti ijodiy jamoasi barcha jarayonlar bo‘yicha audio, video yozuv asosida keng ma'lumotga ega bo‘ldilar. Uchrashuv yakunida keyingi tadbirlar bo‘yicha hamkorlikni, zarur axborot va ma'lumotlar olishni davom ettirishga kelishib olindi.

Axborot xizmati