Davlat test markazining ijobiy imijini yaratish, jamoatchilik orasida uning to‘g‘risida yetarli ochiq ma’lumotlar taqdim etish va eskirgan stereotipni yengib o‘tish har doim ham oson bo‘lmagan.

Shularni hisobga olib, joriy yilning 17-dekabr kuni barcha turdagi ommaviy axborot vositalari vakillari, jumladan, jurnalistlar va blogerlar taklif etilib, Davlat test markazi faoliyati tarixida ilk bora press-tur (ochiq sayohat) tashkil etildi.

Press-tur davomida jurnalistlar va blogerlar boshqarmalar, bo‘limlar faoliyati, shuningdek, mavsumiy maxsus yopiq rejim faoliyati bilan ochiq va batafsil tanishib chiqdilar hamda o‘zlarini qiziqtirgan savollarga to‘liq javob oldilar. Ularga xohlagan mavzuda yetarli darajada matnli, audio, foto va video materiallar tayyorlash imkoniyati yaratildi.

Tadbir yakunida ommaviy axborot vositalari bilan hamkorlikni yanada mustahkamlashga, birlamchi, ishonchli materiallar va ma’lumotlarni Davlat test markazidan olishga kelishib olindi.

Davlat test markazi matbuot xizmati