2018 yil 26 may kuni Davlat test markazida joriy yil oliy ta'lim muassasalarida test sinovlarini o‘tkazish uchun olib borilayotgan tayyorgarlik darajasi tahliliga bag‘ishlangan umumiy yig‘ilish bo‘lib o‘tdi.

Muassasa direktori rahbarligida olib borilgan umumiy yig‘ilishda Test sinovlarini tashkil etish va muvofiqlashtirish bosh boshqarmasi tomonidan hozirgi kunga qadar amalga oshirilgan va rejalashtirilayotgan ishlar yuzasidan keng axborot berildi.

Xususan, bosh boshqarma xodimlari mamlakatimiz Prezidentining 2017 yil 16  noyabrdagi 3389-son Qarori, Vazirlar Mahkamasining 2018 yil 3 apreldagi 261-son qarori asosida respublikamizning barcha hududlarida test sinovi topshirish tartibiga kiritilgan o‘zgarishlarga bag‘ishlangan repetitsiya jarayonlari tashkil etilganligi, ular orqali test sinovi jarayonida belgilangan vazifalar, foydalaniladigan texnika vositalarining texnik imkoniyatlari amalda sinab ko‘rilganligi, yuzaga kelgan ba'zi kamchilik, muammolar to‘g‘risida to‘la tahliliy ma'lumotlarni taqdim etdilar.

Davlat test markazi xodimlari tomonidan jarayonlarda aniqlangan muammolarni bartaraf etish, tayyorgarlik ishlari samaradorligini keskin oshirish bo‘yicha taklif va fikr-mulohazalar bildirildi.

Rahbar tomonidan test sinovlariga sifatli tayyorgarlik ko‘rish, buning uchun rejada belgilangan vazifalarni o‘z muddatida sifatli bajarish, tegishli vazirlik, idora va mahalliy hokimliklar bilan hamkorlikni, ularga yuklatilgan vazifalarning bajarilishini nazorat qilishni kuchaytirish yuzasidan boshqarma va bo‘limlarga aniq vazifalar yuklatildi hamda ko‘rsatmalar berildi. 2 iyun kuni ushbu masalalarning bajarilishi tahliliga bag‘ishlab yana yig‘ilish o‘tkazilishi belgilandi.

Axborot xizmati