Davlat test markazi tomonidan test sinovi tizimi muntazam takomillashtirib borilmoqda. Oxirgi yillarda bunga ko‘proq e’tibor qaratilmoqda. Shular qatorida Davlat test markazi qoshida “Ilmiy-o‘quv amaliy markaz” davlat unitar korxonasi tashkil etish to‘g‘risida olib borilgan ishlarni misol qilib keltirish mumkin.

Bugungi kunda ehtiyoj va talablarni hisobga olib yetakchi xalqaro tashkilotlar bilan hamkorlikni yo‘lga qo‘ygan holda testologiya va pedagogik o‘lchovlar, malaka oshirish kurslarini tashkil etish, Markaziy Osiyoda testologiya bo‘yicha mintaqaviy ilmiy maktab yaratish maqsadga muvofiq deb topildi va qaror loyihasi tayyorlanib, O‘zbekiston Respublikasi normativ-huquqiy hujjatlar loyihalari muhokamasiga qo‘yildi.

Davlat test markazi mazkur qaror loyihasidan joy olgan yangilik bilan jamoatchilikning yaqindan tanishish, fikr-mulohazalar bildirish va takliflar kiritishda faol bo‘lishiga umid bildiradi.

Davlat test markazi matbuot xizmati