Daryo.uz da e’lon qilingan “Ishonch telefonlari ishlaydimi? …” nomli materialda ishonch telefonlari raqamlari bo‘yicha tekshiruv o‘tkazilganligi, jumladan, Davlat test markazining ishonch telefoniga qo‘ng‘iroq qilinganda javob bo‘lmaganligi qayd etilgan.

Ushbu holat bo‘yicha quyidagilarni ma’lum qilamiz: 2021-yil dekabr oyining tekshiruv bo‘yicha qo‘ng‘iroqlar amalga oshirilgan kunlari tahlilidan ushbu muddatda ishonch telefoni uchun ajratilgan so‘zlashuv limiti tugaganligi va qisqa muddat o‘chirilganligi aniqlandi. Biroq dekabr oyining qolgan kunlari uchun qo‘shimcha mablag‘lar o‘tkazilgach, ishonch telefonining faoliyati to‘liq tiklangan.

Eslatish lozimki, Davlat test markazining ishonch telefoni faoliyatida avvallari kamchilik kuzatilmagan va bundan keyingi faoliyatida uzilishlar bo‘lmasligi nazoratga olingan.

Yuzaga kelgan noqulaylik uchun uzr so‘raymiz.

Davlat test markazi axborot xizmati