2020-jıl 8-iyul kúni Xabar hám ǵalaba kommunikaciyalar agentliginde Ózbekstan Respublikasına koronavirustıń kirip keliwi hám tarqalıwınıń aldın alıw is-ilajları baǵdarlamasın tayarlaw boyınsha Respublika arnawlı komissiyasınıń xabarı boyınsha pres konferenciya bolıp ótti.

Bul pres konferenciyadan soń túrli dereklerde mámleketlik joqarı bilimlendiriw mekemeleriniń bakalavriat bilimlendiriw baǵdarlarına kiriw imtixanları onlayn bolıwı múmkinligi haqqında xabar tarqaldı.

Esletip ótiw orınlı, Ózbekstan Respublikası Prezidentiniń 2019-jıl 14-maydaǵı PQ-4319-sanlı “Joqarı bilimlendiriw mekemelerine test sınawları arqalı qabıllaw sistemasın jetilistiriw boyınsha qosımsha is-ilajlar haqqında”ǵı qararına muwapıq joqarı bilimlendiriw mekemeleriniń bakalavriat bilimlendiriw baǵdarlarına sáykes test sınawı tapsırılatuǵın pánler toplamı, bahalaw ólshemleri, test tapsırmaları sanı hám de test sınawların ótkeriwdiń anıq múddetleri Ózbekstan Respublikasi bilimlendiriw mekemelerine oqıwǵa qabıllaw boyınsha  Mámleketlik komissiyası tárepinen belgilenedi.

Házirgi kúnde Mámleketlik test orayı tárepinen test sınawların hár jılǵı formada, úlken sıyımlıqqa iye imaratlarda, sanitariya-gigiyenalıq talaplarına ámel etilgen jaǵdayında ótkeriw boyınsha tayarlıqlar alıp barılmaqta.

Málim etip ótemiz, , mámleketlik joqarı bilimlendiriw mekemeleriniń bakalavriat bilimlendiriw baǵdarlarına  kiriw imtixanların ótkeriw tártibi ózgermegen.

Mámleketlik test orayı