Telegramdaǵı kanallardan birinde “Abiturientlerdiń pulı qay jerge ketpekte?” teması astında post járiyalandı.

Onda Mámleketlik test orayı avtomobil ushın bir dana signalizaciya, bir dana kovrik hám bir dana chexoldı 9 696 000 somǵa satıp alǵanı aytılıp, sınǵa alınǵan.

Bul boyınsha sonı málim etemiz, kórsetilgen summa bir dana signalizaciya, kovrik hám chexol bahası emes, al 4 mashina ushın satıp alınǵan barlıq tovarlar hám oǵan kórsetilgen texnikalıq xızmetlerdiń ulıwma muǵdarı.

Bul satıp alıwlar Ózbekstan Respublikası tovar shiyki-zat birjası arqalı ámelge asırılǵan bolıp, tómendegi súwrette hárbir tovar hám kórsetilgen xızmet boyınsha tolıq maǵlıwmat sáwlelengen.

Sonday-aq, usı satıp alıwlar byudjetten tısqarı rawajlandırıw qorı esabınan ámelge asırılǵan bolıp, abiturientlerden test sınaǵında qatnasıw ushın óndirilgen jıyımǵa heshqanday baylanısı joq.

Mámleketlik test orayı xabar xızmeti