Mámleketlik test orayı tárepinen usı jıldıń basında joqarı oqıw orınlarınıń bakalavriat tálim baǵdarlarına kiriw test sınaqları formatındaǵı diagnostikalıq test xızmeti jolǵa qoyılǵan edi.

Bul xızmet sheńberinde talabanlardıń bilimi sınaqdan ótkerilmekte hám olar test materialları menen islew kónlikpesine iye bolmaqta.

Bıraq Mámleketlik test orayı tárepinen ótkeriletuǵın kóplep test sınaqlarına qısqa waqıt qalǵanı sebebli Mámleketlik test orayı jumıs iskerliginen kelip shıqqan halda diagnostikalıq test xızmetin toqtatiw zárúrligi júzege kelmekte.

Sol sebepli my.dtm.uz saytı arqalı diagnostikalıq test materiallarına buyırtpalardı qabıllaw 30-may kıni 10:00 de juwmaqlanıwın málim etemiz.

Bunda e-DTM sisteması islewde dawam etedi hám talabanlar @e_dtm_bot telegram botı arqalı test materiallarına onlayn buyırtpa beriwleri múmkin boladı.