Davlat test markazi tomonidan 2020/2021 o‘quv yili uchun oliy ta’lim muassasalariga kirish test sinovlari formatidagi diagnostik test sinovlari yo‘lga qo‘yildi.

Bu orqali abituriyentlar nafaqat o‘z bilimini sinaydi, balki yangi joriy etilayotgan test materiallari (test topshiriqlari kitobi va javoblar varaqasi) bilan ishlash ko‘nikmasiga ega bo’ladi.

Diagnostik test sinovlari Toshkent shahrida 24-yanvardan, Qoraqalpog‘iston Respublikasi va viloyatlarda 29-yanvardan boshlanadi.

Test sinovida ishtirok etish istagini bildirgan talabgorlar http://5fan.dtm.uz/ sayti orqali ro‘yxatdan o‘tishlari va kerakli ma’lumotlarni kiritgan holda test variantiga buyurtma  berishlari mumkin.

Test variantiga buyurtma berishda talabgorlar tomonidan quyidagi ma’lumotlar aniq belgilanishi lozim:

• Qaysi fanlardan test topshirishi (mutaxassislik fanlari sifatida 2 ta fan);
• Test topshirish tili;
• Test topshirish hududi;
• Test topshirish kuni va vaqti (1smena 09:00, 2-smena 14:00).

Test sinovlari Andijon, Namangan va Navoiy viloyatlarida 1 smenada, qolgan barcha hududlarda 2 smenada tashkil etiladi.

Jarayonda ishtirok etuvchilar soni cheklangan bo‘lib, Toshkent shahrida har smenada 350 nafardan, Qoraqalpog‘iston Respublikasi va viloyatlarda 120 nafardan talabgorlar qatnashishi mumkin.

Ro‘yxatdan o‘tish

Davlat test markazi matbuot xizmati