Davlat test markazi tomonidan joriy yilda abituriyentlarga oliy ta’lim muassasalariga kirish test sinovlariga puxta tayyorgarlik ko‘rishlari uchun oliy ta’lim muassasalarining bakalavriat ta’lim yo‘nalishlariga kirish test sinovlari formatidagi diagnostik test sinovlari yo‘lga qo‘yilgan bo‘lib, ularni buyurtma qilish boshlandi.

Diagnostik test sinovi orqali abituriyentlar o‘z bilimlarini sinab ko‘rish bilan bir qatorda, test materiallari (test topshiriqlari kitobi va javoblar varaqasi) bilan ishlash ko‘nikmasiga ham ega bo‘ladilar.

Ushbu yaratilgan imkoniyatdan samarali foydalanish va diagnostik test materiallariga buyurtma berish istagini bildirgan talabgorlar my.dtm.uz sayti orqali ro‘yxatdan o‘tib, “Diagnostik test materiallariga buyurtma berish” bo‘limiga  kerakli ma’lumotlarni kiritgan holda bir vaqtning o‘zida yangi formatdagi diagnostik test materiallariga istalgan miqdorda buyurtma berishlari mumkin.

Bitta test variantining narxi 15 000 so‘m.

Buyurtma qilingan test materiallarini olish uchun Davlat test markazi va uning Qoraqalpog‘iston Respublikasi, viloyatlardagi bo‘limlari (https://dtm.uz/page/representatives) ga murojaat qilinadi.