Ma’lumki, Bilimni baholash agentligi tomonidan OTMlarga kirish test sinovlari formatidagi diagnostik test sinovlari o‘tkaziladi.

Mazkur xizmat hozirga qadar qogʻoz shaklida ko‘rsatilgan boʻlib, endilikda ushbu xizmatdan elektron shaklda foydalanish mumkin.

Buning uchun iTest.uz platformasi bilan hamkorlikda diagnostik test sinovlarini onlayn o‘tkazish yo‘lga qo‘yildi.

Diagnostik test sinovlari orqali abituriyentlar o‘z bilimini sinovdan o‘tkazishi va OTMlarga kirish test sinovlariga puxta tayyorgarlik ko‘rishi mumkin.

Ushbu xizmatdan iTest.uz saytidan tashqari @itestuzbot telegram boti orqali ham foydalanish mumkin.

Hozirda iTest.uz saytining mobil ilovalari ishlab chiqilmoqda va iyun oyi oxirida Google Play va App Store ga joylashtiriladi.

Xizmat narxi 3 ta test varianti uchun 20 ming soʻmni tashkil etadi. Har bir test variantida 3 ta majburiy va 2 ta mutaxassislik fanidan 90 ta test topshirigʻi beriladi.

Izoh: Bir komplektdagi uchta variant bir-biriga parametrik bo‘lib, savollar mazmunan bir-biriga yaqin qiymatlarda farqlanadi. Bu o‘quvchida o‘zlashtirgan bilimini qayta takrorlash va mustahkamlashga ko‘maklashadi.