Diagnostik test sinovi yordamida yangi shakllantirilgan test topshiriqlari aprobatsiyadan o`tkazib borilishi yo‘lga qo‘yilmoqda. Mazkur yo‘nalish bo‘yicha ishlab chiqilgan takliflar asosida Davlat test markazida quyidagi ishlar amalga oshirilishi belgilandi:

• 2019/2020 o‘quv yilida test sinovlari uchun ishlatilishi rejalashtirilayotgan test topshiriqlarini, shu bilan birga, takomillashtirilayotgan test materiallari (test topshiriqlari kitobi, javoblar varaqasi) aprobatsiya qilinadi;
• aprobatsiya jarayoni har oyning oxirgi haftasida o‘tkaziladi;
• Davlat test markazida va Toshkent shahrida joylashgan ta'lim muassasalarida markaz xodimlari tomonidan o‘tkazilgan diagnostik test sinovida yuqori natijaga erishgan test topshiruvchilar bepul aprobatsiyaga taklif etiladi;
• taklif etilganlar soni test sinovi o`tkaziladigan bino sig‘imi inobatga olingan holda belgilanadi;
• aprobatsiya tahlili natijasiga ko‘ra har bir fandan bir nechta saralangan test topshiriqlari yechimlari rasmiy saytda berib boriladi;
• talabgorlarni ONLINE ro‘yxatdan o‘tkazish yo‘lga qo‘yiladi.

Shuningdek, diagnostik test sinovi va aprobatsiya jarayonida ishtirok etganlarning reytingi ham muntazam aniqlab boriladi hamda test topshiruvchilarning taklif va mulohazalari o‘rganib boriladi.

Ro‘yxatdan o‘tish