Mámleketlik test orayı xızmetkerleri Rossiya Federaciyasında xızmet saparında bolıp, «Информзащита» oqıw orayında “TCP/IP tiykarındaǵı xabar texnologiyaları hám tarmaqlarınıń qáwipsizligi” temasında 18-29 noyabr kúnleri 10 kúnlik tájiriybe arttırıw kursında qatnastı.

Bul tájiriybe almasıw kursı shólkemlerdiń kompyuter tarmaqları qáwipsizligi ushın juwapker bolǵan qánigeler ushın keń qamırawlı oqıw dástúri bolıp, xızmetkerler kurs dawamında “Xabar texnologiyaları qáwipsizligi”, “TCP/IP tiykarları”, “Kompyuter tarmaǵınıń qáwipsizligi” sıyaqlı temalardı úyrendi hám taraw boyınsha óz tájiriybelerin arttırdı.

Tájiriybe arttırıw kursı juwmaǵında xızmetkerler ótilgen temalar boyınsha juwmaqlawshı attestaciya (sınaw) tapsırıp, “TCP/IP tiykarındaǵı axborot texnologiyaları hám tarmaqlarınıń qáwipsizligi” sertifikatlarına iye boldı.

Kurs dawamında iyelengen tájiriybeler Mámleketlik test orayı tárepinen ótkeriletuǵın test sınawları sapasın jáne de kóteriw, ásirese test tapsırıwshılar bazası, test sınawı nátiyjeleri menen islewde paydalanılatuǵın programmalıq texnikalıq támiynatlardıń tarmaq qáwipsizligin jetilistiriwge xızmet etedi.

Mámleketlik test orayı xabar xızmeti