Abituriyentlar uchun elektron qo‘llanma yaratildi.

Vazirlar Mahkamasining 2019 yil 9 iyuldagi 572-son qarori asosida amaldagi “O‘zbekiston Respublikasi oliy ta'lim muassasalarining bakalavriatiga o‘qishga qabul qilish uchun kirish test sinovlarini o‘tkazish tartibi to‘g‘risidagi nizom”ning 11-ilovasida keltirilgan JAVOBLAR VARAQASIga o‘zgartirishlar kiritildi. 

Javoblar varaqasiga oid o‘zgarishlarni hisobga olib, Davlat test markazi mutaxassislari tomonidan yangi namunadagi javoblar varaqasini to‘ldirish bo‘yicha elektron (video) qo‘llanma ishlab chiqildi va saytga joylashtirildi.

Elektron (video) qo‘llanmadan foydalanish uchun sayt sahifasining o‘ng tomonida joylashgan “Foydali maslahatlar” bo‘limiga kirib, “Javoblar varaqasini to‘ldirish namunasi” yozuvi bosiladi.

Hurmatli abituriyentlar! Test sinovi boshlangunga qadar Elektron qo‘llanma bilan ko‘proq ishlashingizni maslahat beramiz. Qo‘llanma orqali yangi shakldagi javoblar varaqasi bilan yaqindan tanishish, uni xatosiz to‘ldirish tartibi va qoidasi bo‘yicha zarur ko‘nikma va tajribaga ega bo‘lasiz.

Davlat test markazining rasmiy veb-sayti: www.dtm.uz 

Davlat test markazi barcha abituriyentlarga muvaffaqiyat tilaydi.