Davlat test markazi tomonidan joriy yilning 31-mart kuni e-Sinov ning bepul tizimi ishga tushirilgan edi. Qayd etish kerakki, 3 kun davomida tizimga kirayotgan foydalanuvchilar soni 44 000 dan, foydalanuvchilarga yetkazilgan buyurtmalar soni esa 120 000 dan oshib ketdi. Bir vaqtning o‘zida o‘rtacha 1 500 nafardan ortiq foydalanuvchi tizim xizmatidan foydalanmoqda.

Shularni hisobga olib, e-Sinov tizimiga boʻlayotgan soʻrovlar oqimiga oʻz vaqtida xizmat koʻrsatish va shu bilan birga tizimning samarali ish faoliyatini davom ettirish maqsadida qo’shimcha @dtmxizmat1_bot, @dtmxizmat2_bot va @dtmxizmat3_bot botlari ishga tushurildi.

Ushbu botlar orqali faqat test natijalarini olish imkoni mavjud bo’lib, qolgan barcha xizmatlar asosiy @dtmxizmatbot boti orqali amalga oshiriladi.

Foydalanuvchilardan quyida keltirilgan qoidalarga rioya qilishlarini soʻraymiz:

• bir kunlik ehtiyoj uchun yetarli boʻladigan test variantlariga buyurtma berish;

• har bir soʻrov yoki buyurtma bajarilmaguncha qaytadan bir necha marotaba ushbu soʻrovlarni takrorlamaslik;

• buyurtma asosida olingan test varianti natijasini olish, tahlil qilish va keyingi test variantiga buyurtma berish;

• murojaat yuborishdan oldin “Maʻlumot” tugmasini bosish orqali foydalanish yoʻriqnomasi bilan tanishib chiqish.

Yuqoridagi qoidalarga zid ravishda test variantlariga qisqa vaqtda bir necha yuz marotaba buyurtma berayotgan foydalanuvchilarga tizim tomonidan cheklovlar qoʻyilishi mumkin.

Barcha foydalanuvchi, tayyorgarlik ko‘rayotgan fuqarolarga muvaffaqiyat tilaymiz.

O‘zingizni va yaqinlaringizni asrang, uyda qoling.

Davlat test markazi matbuot xizmati