Mámleketlik test orayı tárepinen  usı jıldıń 31-mart sánesinen e-Sinov dıń biypul sisteması iske qosılǵan edi. Atap ótiw orınlı, 3 kún dawamında sistemaǵa kirip atırǵan paydalanıwshılardıń sanı 44 000 nan, paydalanıwshılarǵa jetkerilgen buyırtpalar sanı bolsa 120 000 nan asıp ketti. Bir waqıttıń ózinde ortasha 1 500 den artıq paydalanıwshı sistema xızmetinen paydalanbaqta.

Usılardı inabatqa alıp, e-Sinov sistemasına bolıp atırǵan sorawlar aǵımına óz waqtında xızmet kórsetiw hám sistemanıń nátiyjeli iskerligin dawam ettiriw maqsetinde qosımsha @dtmxizmat1_bot, @dtmxizmat2_bot hám @dtmxizmat3_bot botları iske qosıldı.

Bul botlar arqalı tek test nátiyjelerin alıw imkanı bar bolıp, qalǵan barlıq xızmetler tiykarǵı @dtmxizmatbot botı arqalı ámelge asırıladı.

Paydalanıwshılardan tómende keltirilgen qádelerge ámel etiwin soraymız:

• bir kúnlik zárúrlik ushın jeterli bolatuǵın test variantlarına buyırtpa beriw;

• hárbir soraw yaki buyırtpa orınlanbaǵanǵa shekem qaytadan bir neshe ret usı sorawlardı tákirarlamaw;

• buyurtpa tiykarında alınǵan test variant nátiyjesin alıw, talqılaw hám keyingi test variantına buyurtpa beriw;

• múrájat jiberiwden aldın “Maʻlumot” túymesin basıw arqalı paydalanıw qollanbası menen tanısıp shıǵıw.

Joqarıdaǵı qádelerge keri tárizde test variantlarına qısqa waqıtta bir neshe júz márte buyırtpa berip atırǵan paydalanıwshılarǵa sistema tárepinen sheklewler qoyılıwı múmkin.

Barlıq paydalanıwshılar hám tayarlıq kórip atırǵan puqaralarǵa tabıslar tileymiz.

Ózińizdi hám jaqınlarıńızdı asırań, úyde qalıń.

Mámleketlik test orayı xabar xızmeti