Hurmatli foydalanuvchilar! 

Jipsligimiz, mehr-oqibatimiz, bag'rikengligimiz sinalayotgan bugungi kunlarda bilimga intilishimiz yuksak darajada rag’batlantirilmoqda. Davlatimizning bu yo’ldagi xatti-harakatlarini hurmat qilgan va uyda qolgan holda ushbu onlayn xizmatdan unumli foydalaning, foydalanish miqdoriga chegara qo’yilmagan.

Bu yo’lda Davlat test markazi ham navbatdagi savob ishga qo’l urdi. Test topshiriqlari ochiqligini ta’minlash maqsadida joriy etilgan e-Sinov tizimidan tekin foydalanish dasturi ishga tushirildi.

Endilikda oliy ta’lim muassasalarining bakalavriat ta’lim yo’nalishlariga o’qishga kirish uchun tayyorgarlik ko’rayotgan abituriyentlar va xohlovchilar e-Sinov tizimidan hech qanday to’lovlarsiz foydalanishlari, shuningdek, “Test topshiriqlari to’plami 2019”da nashr etilgan test topshiriqlari bazasidan har bir fan bo’yicha shakllantirilgan variantlarni yechish orqali o’z bilimlarini muntazam sinab borishlari mumkin.

Mazkur xizmat foydalanuvchilarga qulay bo’lishi uchun telegram messenjerida ishga tushirilgan bo’lib, @dtmxizmatbot telegram bot orqali taqdim etilgan.
Barcha fuqarolarimizga sog’lik va muvaffaqiyat tilab qolamiz.

Xizmatdan foydalanish yo’riqnomasi 

#Uydaqoling

Davlat test markazi matbuot xizmati