Davlat test markazi tomonidan abituriyentlarga qulaylik yaratish maqsadida e-Sinov tizimi takomillashtirilgan holda qayta ishga tushirildi.

Bu tizim orqali abituriyentlar har bir fan bo‘yicha oliy ta’lim muassasalariga kirish test sinovlarida foydalanilgan test topshiriqlarini yechib, o‘z bilimlarini sinab ko‘rishlari mumkin.

Mazkur xizmat foydalanuvchilarga qulay bo‘lishi uchun telegram messenjerida ishga tushirilgan bo‘lib, xizmatdan @e_dtm_bot telegram boti orqali foydalanish mumkin.

Bunda test variantiga 3 xil tilda – o‘zbek, rus va qoraqalpoq tillarida buyurtma berish mumkin.

Natijalarni esa mazkur bot orqali onlayn tarzda shu zahotiyoq bilib olish imkoniyati mavjud.

Davlat test markazi matbuot xizmati