2021-yil 10-mart kuni matematika, kimyo, biologiya va geologiya fanlari bo‘yicha (magistratura, doktorantura, stajirovka va malaka oshirish dasturlari) “El-yurt umidi” jamg‘armasi stipendiyasi tanlovining 2-bosqichiga tavsiya etilgan nomzodlarning xorijiy tillarni bilish darajasini aniqlash uchun test sinovlari o‘tkazildi.

Test sinovlari Qoraqalpog‘iston Respublikasi, viloyatlar va Toshkent shahrida tashkil etildi.

Unda ishtirok etishi belgilangan 909 nafar nomzoddan 781 nafari ishtirok etdi. Tartib-qoidani buzganligi sababli 3 nafar nomzod test sinovidan chetlatildi.

Test sinovlari ingliz, nemis, fransuz, ispan, turk, koreys va rus  tillaridan o‘tkazildi va nomzodlarning tinglab tushunish, o‘qib tushunish, leksik va gramatik kompetensiyalari tekshirildi.

Bunda nomzodlarga har bir bo‘lim bo‘yicha 30 tadan jami 90 ta test topshirig‘i va test topshiriqlarini bajarish uchun 2 soat-u 20 daqiqa vaqt berildi.

Davlat test markazi matbuot xizmati