2019-yil 16-oktabr kuni Farg‘ona viloyati Qo‘shtepa tumanidagi 49-maktabda Davlat test markazi direktori Karimov Madjit Malikovich rahbarligida Markaz faoliyatiga oid masalalar yuzasidan sayyor qabul o’tkazildi.

Sayyor qabulda 100 dan ziyod abituriyentlar, pedagog kadrlar va ota-onalar ishtirok etdilar.

Uchrashuv ochiq muloqot tarzida o‘tkazildi. Muloqotda joriy yilda kirish test sinovlaridagi yangiliklar va qulayliklar, shuningdek test savollaridagi o‘zgarishlarga alohida e’tibor qaratildi.

Jumladan, O‘zbekiston Respublikasi Prezidentining 2019-yil 14-maydagi “Oliy ta’lim muassasalariga test sinovlari orqali qabul qilish tizimini takomillashtirish bo‘yicha qo‘shimcha chora-tadbirlar to‘g‘risida”gi PQ-4319-son qarorida 2020/2021 o‘quv yili qabulidan boshlab test sinovi topshiriladigan fanlar majmuasi ikki bo‘limdan iborat bo‘lib, birinchi bo‘limga barcha test topshiruvchilar uchun majburiy uchta fan – ona tili (o‘zbek, rus, qoraqalpoq tili), matematika va O‘zbekiston tarixi, ikkinchi bo‘limga abituriyent tanlagan bakalavriat ta’lim yo‘nalishiga mos ikkita fanni kiritish nazarda tutilganligi, bugungi kunda yuqoridagi taklif keng jamoatchilik, ota-onalar hamda abituriyentlar diqqatiga muhokama uchun taqdim etilganligi haqida tushuntirishlar berildi.

Tadbirda, turli ijtimoy tarmoqlar orqali bildirilayotgan fikr-mulohazalarga munosabat bildirilib, Ishtirokchilar tomonidan berilgan savollar bo'yicha atroflicha ma’lumotlar berildi.

Bundan tashqari, Davlat test markazi direktori ishtirokida Marg‘ilon shahrida tashkil etilgan Erkin Vohidov nomidagi maxsus maktab-internati o‘quvchilari bilan ham uchrashuv o‘tkazildi.

Davlat test markazi matbuot xizmati