2021-yil 19-20-yanvar kunlari chet tillar o‘qituvchilarining oylik maoshlariga ustama haq belgilash test sinovlarining ikkinchi bosqichi, ya’ni «gapirish» ko‘nikmasini baholash imtihonlari o‘tkazilgan edi.
Mazkur imtihon natijalari Davlat test markazining rasmiy veb-saytida e’lon qilindi.
O‘qituvchilar o‘z natijalarini shaxsiy kabinetlari orqali bilishlari mumkin.
Amaldagi tartibga ko‘ra, «gapirish» ko‘nikmasi bo‘yicha maksimal ballning kamida 60 foizini to‘plagan o‘qituvchilar test sinovlaridan muvaffaqiyatli o‘tgan hisoblanadi.
Test sinovlaridan muvaffaqiyatli o‘tgan o‘qituvchilar tegishli ma’lumotnomani 2021-yil 3-fevral kunidan boshlab Davlat test markazi va uning hududiy bo‘limlaridan olishlari mumkin.
Davlat test markazi matbuot xizmati
O‘zbek tili va adabiyot fanidan milliy sertifikat imtihonlari bo‘yicha bildirilgan fikrlarga rasmiy munosabat