Chet tili o‘qituvchilarining bazaviy lavozim maoshlariga oylik ustama belgilash test sinovlari yozma qismidan muvaffaqiyatli o‘tgan talabgorlar uchun «gapirish» ko‘nikmasini baholash imtihoni sanasi belgilandi.

Unga ko‘ra test sinovlarining «gapirish» ko‘nikmasini baholash imtihonlari 2021-yil 24-iyundan 28-iyunga qadar Respublikamizning barcha hududlarida bo‘lib o‘tadi.

O‘qituvchilar imtihon joyi, kuni va vaqtini nsfla.dtm.uz saytidan “Chet tillar o‘qituvchilari uchun test sinovlari” bo‘limining “Mening arizalarim” qismida bilishlari mumkin.

Ertaga, 22-iyun kuni bo‘lib o‘tadigan chet tilini bilish va egallash darajasini aniqlash test sinovining «gapirish» ko‘nikmasini baholash imtihonlari esa 23-24-25-iyun kunlari o‘tkaziladi.

Talabgorlar imtihon joyi, kuni va vaqtini nsfla.dtm.uz saytidan “Milliy sertifikatlar” bo‘limining “Mening arizalarim” qismida bilishlari mumkin.

Talabgorlardan imtihon o‘tkaziladigan hududga belgilangan vaqtdan kamida 15  daqiqa oldin shaxsini tasdiqlovchi hujjat – pasport bilan kelishlari so‘raladi.

Imtihonga kelmagan talabgorlar uchun qo‘shimcha imtihon o‘tkazilmaydi.

Davlat test markazi matbuot xizmati