Chet tilini bilish va egallash darajasini aniqlash test sinovlarining gapirish ko‘nikmasini baholash imtihonlari 9-10-11-iyul kunlari bo‘lib o‘tishi e’lon qilingan edi.

O‘zbekiston Respublikasiga koronavirusning kirib kelishi va tarqalishining oldini olish yuzasidan chora-tadbirlar dasturini tayyorlash bo‘yicha Respublika maxsus komissiyasining axboroti e’lon qilinganligi va 10-iyuldan karantin cheklovlari joriy etilayotganligi munosabati bilan chet tilini bilish va egallash darajasini aniqlash test sinovlarining 10-11-iyul kunlari o‘tkazilishi belgilangan gapirish ko‘nikmasini baholash imtihonlari 9-iyul kuniga ko‘chirildi.

Talabgorlar imtihon joyi, kuni va vaqtini Davlat test markazining rasmiy veb-saytidan (https://dtm.uz/page/cefr) shaxsiy kabineti orqali bilib olishlari mumkin.

Barchangizga omad tilaymiz!!!

Davlat test markazi matbuot xizmati