Shet tilin biliw dárejesin bahalaw boyınsha 26-27 oktyabr kúnleri ótkerilgen test sınaqlarında qatnasqan talabanlar ushın sóylew kónlikpesin bahalaw imtixanları baslandı.

Imtixanlar talabanlarǵa qolay bolıwı ushın Qaraqalpaqstan Respublikası, wálayatlar hám Tashkent qalasında shólkemlestirilmekte hám 6-noyabr kúnine shekem dawam etedi.

Talabanlar imtixan bolıp ótiw ornı, kúni hám waqtın my.dtm.uz saytınıń “Milliy sertifikatlar” bóliminiń “Meniń arzalarım”bólimi arqalı bilip alıwları múmkin.

Talabanlardan imtixan ótkeriletuǵın orınǵa belgilengen waqıttan keminde 15 minut aldın shaxsın tastıyıqlawshı hújjet penen keliwleri soraladı.

Mámleketlik test orayınıń málimleme xızmeti