2022-jıl 26-27-aprel kúnleri shet tilin biliw dárejesin anıqlaw test sınaqlarınıń jazba (tıńlap túsiniw, oqıw, jazba jumıs) bólimi bolıp ótken edi.

Test sınaqlarınıń jazba bóliminde qatnasqan talabanlar ushın 10-14- hám 16-may kúnleri sóylew kónlikpesin bahalaw imtixanları shólkemlestirildi.

Imtixanlar barlıq aymaqlarda Mámleketlik test orayı tárepinen arnawlı islep shıǵılǵan dástúr arqalı onlayn tárizde ótkerildi.

Onda inglis, nemis, francuz hám arab tilleri boyınsha 2 706 talaban qatnastı.

Talabanlardıń sóylew kónlikpesi autsorsing tiykarında respublikamızdıń túrli aymaqlarında jumıs alıp barıp atırǵan tájiriybeli qánigeler tárepinen bahalandı.

Test nátiyjeleri 23-may kúni my.gov.uz saytında jariyalanadı hám  talabanlar “Mening arizalarim” bólimi arqalı ózleriniń nátiyjelerin bilip alıwları múmkin boladı.