2022-jıl 26-27-28-may kúnleri shet tilin biliw dárejesin bahalaw test sınaqlarınıń jazba (tıńlap túsiniw, oqıw, jazba jumıs) bólimi bolıp ótken edi.

Test sınaqlarınıń jazba bóliminde qatnasqan talabanlar ushın 1-10-iyun (4-5-iyunnan tısqarı) kúnleri sóylew kónlikpesin bahalaw imtixanları shólkemlestirildi.

Imtixanlar barlıq aymaqlarda Mámleketlik test orayı tárepinen arnawlı islep shıǵılǵan dastúr arqalı onlayn tárizde ótkerildi.

Onda inglis, nemis, qıtay, koreys, yapon, túrk, parsı, urdu, dariy, pushtu, ispan hám italyan tilleri boyınsha 4 mıńnan aslam talaban qatnastı.

Talabanlardıń sóylew kónlikpesi autsorsing tiykarında respublikamızdıń túrli aymaqlarında jumıs alıp barıp atırǵan tájiriybeli qánigeler tárepinen bahalandı.