2021-yil 25-26-27-mart kunlari chet tilini bilish va egallash darajasini aniqlash sinovlarining ikkinchi bosqichi, ya’ni «gapirish» ko‘nikmasini baholash imtihonlari bo‘lib o‘tdi.

Imtihonlar Toshkent shahrida Davlat test markazi binosida talabgorlar bilan yuzma-yuz gaplashgan holda, Qoraqalpog‘iston Respublikasi va viloyatlarda esa Zoom platformasi orqali o‘tkazildi.

Unda ingliz, nemis, fransuz, xitoy, koreys, yapon, turk, fors, pushtu va arab tillari bo‘yicha 733 nafar talabgor ishtirok etdi.

Talabgorlarning gapirish ko‘nikmasini baholash uchun respublikamizning eng nufuzli oliy ta’lim muassasalarida va nodavlat tashkilotlarda faoliyat olib borayotgan malakali mutaxassislar hamda xalqaro ekspertlar jalb etildi.

Davlat test markazi matbuot xizmati