2022-2023-oqıw jılında respublika oqıw orınlarına oqıwǵa qabıl etiw boyınsha ótkeriletuǵın test sınaqlarında ashıq aydınlıq hám ádalatlılıqtı támiyinlew maqsetinde topar qadaǵalawshısı sıpatında qatnasatuǵın talabanlardı tańlaw dawam etpekte.

Belgilengen dástúr tiykarında 2022-jıl 18-20-may kúnleri xalıq bilimlendiriw, professional bilimlendiriw sisteması hám joqarı oqıw orınlarında jumıs alıp barıp atırǵan pedagog xızmetkerler ushın oqıw-seminar shınıǵıwları juwmaǵı boyınsha test sınaqları ótkerildi.

Bul oqıw-seminar shınıǵıwlarınıń 2-basqıshı bolıp, 1-basqısh usı jıldıń 24-28-mart kúnleri ótkerilgen edi.

Oqıw seminar shınıǵıwlarınıń 2-basqıshı hám test sınaǵında respublika boyınsha jámi 4 633 talabanlar qatnastı.

Topar qadaǵalawshısına talabanlardı tańlap alıwdıń keyingi basqıshı sáwbetlesiw tiykarında ámelge asırıw belgilengen bolıp, bul basqısh iyun ayında ótkeriledi.