2022-2023-o‘quv yilida respublika ta’lim muassasalariga o‘qishga qabul qilish bo‘yicha o‘tkaziladigan test sinovlarida shaffoflik va adolatni ta’minlash maqsadida guruh nazoratchisi sifatida ishtirok etadigan nomzodlarni saralash ishlari davom etmoqda.

Belgilangan dastur asosida 2022-yil 18-20-may kunlari xalq ta’limi va professional ta’lim tizimi hamda oliy ta’lim muassasalarida faoliyat yuritayotgan pedagog xodimlar uchun o‘quv-seminar mashg‘ulotlari va mashg‘ulotlar yakuniga ko‘ra saralash test sinovlari o‘tkazildi.

Bu o‘quv-seminar mashg‘ulotlarining 2-bosqichi bo‘lib, 1-bosqichi joriy yilning 24-28-mart kunlarida o‘tkazilgan edi.

O‘quv-seminar mashg‘ulotlarining 2-bosqichi va saralash test sinovida respublika bo‘yicha jami 4 633 nafar nomzod ishtirok etdi.

Guruh nazoratchiligiga nomzodlarni saralab olishning keyingi bosqichini suhbat asosida amalga oshirish belgilangan bo‘lib, suhbat jarayonlarini iyun oyida o‘tkazish rejalashtirilgan.

Davlat test markazi matbuot xizmati