Joqarı bilimlendiriw mekemeleriniń bakalavriat bilim baǵdarlarına kiriw test sınaqlarına topar baqlawshısı sıpatında joqarı bilimlendiriw mekemeleriniń professor-oqıtıwshıları hám xalıq bilimlendiriw sistemasındaǵı basshı hám pedagog xızmetkerleri shártnama tiykarında alınatuǵınlıǵı belgili.

Bunda joqarı hám orta arnawlı bilimlendiriw ministrligi hám Xalıq bilimlendiriw ministrligi tárepinen usınıs etilgen talabanlar ushın bir neshe basqıshta oqıw-seminarlar shólkemlestiriledi. Seminarlar juwmaqlanǵannan soń imtixan ótkerilip, múnásipleri tańlap alınadı.

Usı maqsette 2021-jıl 2-aprel kúni Qaraqalpaqstan Respublikası, wálayatlar hám Tashkent qalasında topar baqlawshılıǵına talabanlar ushın oqıw-seminarlar baslandı.

Oqıw-seminarları Qaraqalpaqstan Respublikası hám wálayatlarda 7-aprel kúnine shekem, Tashkent qalasında 9-aprel kúnine shekem dawam etedi.

Oqıw-seminarlarda Joqarı hám orta arnawlı bilimlendiriw ministrligi hám Xalıq bilimlendiriw ministrligi tárepinen usınıs etilgen 6 mıńǵa jaqın pedagog xızmetkerler qatnasıwı belgilengen.

Shınıǵıwlar Mámleketlik test orayı qánigeleri tárepinen arnawlı islep shıǵılǵan oqıw baǵdarlaması tiykarında ótkerilmekte.

Mámleketlik test orayı xabar xızmeti