Mámleketlik test orayı tárepinen 2022-2023-oqıw jılı ushın oqıw orınlarına kiriw test sınaqların sapalı hám ádalatlı shólkemlestiriw, ashıq-aydın hám ádalatlı ótkeriw maqsetinde proceske topar qadaǵalawshısı sıpatında qatnasatuǵın talabanlardı tańlap alıwdıń sońǵı – sáwbetlesiw basqıshı ótkerildi.
Buǵan shekem talabanlar ushın oqıw-seminar shınıǵıwları hám test sınaǵı basqıshları bolıp ótken edi.
Usı jıldıń 1-3-iyun kúnleri ótkerilgen sáwbet processine aldınǵı basqıshlarda jaqsı nátiyjelerge erisken 4 mıńnan aslam talaban qatnastı.
Qaraqalpaqstan Respublikası, wálayatlar hám Tashkent qalasında úsh kún dawam etken process dawamında jámi 3 284 talaban tańlap alındı hám de olar menen shártnama dúziw jumısları baslap jiberildi.
