Vazirlar Mahkamasining 2017 yil 21 apreldagi “Harbiy akademik litseylar hamda oliy harbiy ta'lim muassasalariga kirish uchun nomzodlarni tayyorlash bo‘yicha qo‘shimcha vazifalar yuklangan akademik litsey va kasb-hunar kollejlarining maxsus guruhlariga o‘quvchilar qabul qilish tartibi to‘g‘risida” 227-son va 2017 yil 26 sentyabrdagi “O‘zbekiston Respublikasi Ichki ishlar vazirligi akademik litseylarning faoliyatini tashkil etish chora-tadbirlari to‘g‘risida” 767-son qarorlariga asosan joriy yil 12 iyul kuni Respublikadagi Mudofaa vazirligi va Milliy gvardiyaga qarashli Temurbeklar maktablari hamda Ichki ishlar vazirligi tasarrufidagi harbiy akademik litseylar, jami 18 ta ta'lim muassasalariga qabul test sinovlari bo‘lib o‘tdi. 

Test sinovlari 2 smenada, videokuzatuv vositalari bilan jihozlangan katta sig‘imli binolarda shaffofligi ta'minlangan holda o‘tkazildi. 

Test sinovlarida ishtirok etishi belgilangan 14092 nafar nomzoddan 13966 nafari ishtirok etdi, 126 nafari qatnashmadi, test topshirish tartib-qoidalarini buzganligi sababli, 10 nafar nomzod test sinovlaridan chetlatildi. 

Test materiallari barcha hududlardan o‘z vaqtida Davlat test markaziga yetkazib kelindi.

Ayni paytda yopiq va maxfiy rejimda natijalarni hisoblash ishlari olib borilmoqda. 

Axborot xizmati