2020-yil 28-yanvardan Qoraqalpog‘iston Respublikasi, viloyatlar va Toshkent shahrida harbiy xizmatni tugatayotgan harbiy xizmatchilar ishtirokida test sinovlari boshlandi.

Test sinovlari O‘zbekiston Respublikasi Prezidentining PQ–1765-son qarori va Adliya vazirligi tomonidan 2914 raqami bilan ro‘yxatdan o‘tkazilgan nizom asosida tashkil etilmoqda.

Eslatib o‘tamiz: harbiy imtiyozga ega abituriyentlar oliy harbiy ta’lim muassasalariga o‘qishga kirish uchun test sinovida ishtirok etsa, test sinovida to‘plagan balining 50 foizi miqdorida qo‘shimcha ball beriladi. Bundan farqli ravishda, agar harbiy tavsiyanomaga ega abituriyent oliy ta’lim muassasalarining baklavriat ta’lim yo‘nalishlariga o‘qishga kirmoqchi bo‘lsa, alohida ajratilgan kvota asosida tanlovda ishtirok etadi. Mabodo to‘plagan ballari ushbu kvota asosida talabalikka tavsiya etish uchun yetarli bo‘lmasa, boshqa (imtiyozi yo‘q)lar bilan umumiy tanlovda qatnashadi.

Davlat test markazi matbuot xizmati