2020-jıl 28-yanvardan Qaraqalpaqstan Respublikası, wálayatlar hám Tashkent qalasında áskeriy xızmetti tamamlap atırǵan áskeriy xızmetkerler qatnasında test sınawları baslandı.

Test sınawları Ózbekistan Respublikası Prezidentiniń PQ–1765-sanlı qararı hám Ádillik ministrligi tárepinen 2914 nomeri menen dizimnen ótkerilgen nızam tiykarında shólkemlestirilmekte.

Esletip ótemiz: áskeriy imtiyazǵa iye abiturientler joqarı áskeriy bilimlendiriw mekemelerine oqıwǵa kiriw ushın test sınawında qatnassa, olarǵa test sınawında toplaǵan balınıń 50 procenti muǵdarında qosımsha ball beriledi. Eger áskeriy imtiyazǵa iye abiturientler joqarı bilimlendiriw mekemeleriniń baklavriat bilimlendiriw baǵdarlarına oqıwǵa kirmekshi bolsa, ayrıqsha ajıratılǵan kvota tiykarında tańlawda qatnasadı. Al toplaǵan balları bul kvota tiykarında talabalıqqa usınıw ushın jeterli bolmasa, basqa (imtiyazı joq)lar menen ulıwmalıq tańlawda qatnasadı.

Mámleketlik test orayı xabar xızmeti