Davlat komissiyasining 2-son bayoniga muvofiq:

Oliy harbiy ta’lim muassasalari qabul komissiyasining dastlabki tanlash bosqichida ijobiy baholangan, Davlat test markazining bazasiga kiritilgan, ammo kirish test sinovlarida ishtirok etish uchun ro‘yxatdan o‘tmagan talabgorlar 2020-2021-o‘quv yili qabulida test sinovlarida ishtirok etishini ta’minlash maqsadida 2020-yil 16-avgustga qadar (16-avgust kuni ham) oliy harbiy ta’lim muassasasi va mos bakalavriat ta’lim yo‘nalishlariga onlayn ro‘yxatdan o‘tishlari mumkin.

Tizimida oliy harbiy ta’lim muassasasi bo‘lgan vazirlik va idoralar rahbarlari dastlabki tanlash bosqichida ijobiy baholangan, ammo kirish test sinovlarida ishtirok etish bo‘yicha ro‘yxatdan o‘tmagan talabgorlarga mos bakalavriat ta’lim yo‘nalishlarini tanlash va onlayn ro‘yxatdan o‘tish uchun operativ tarzda xabar yetkazilishini ta’minlaydi.

Bunda, avvalgi o‘quv yillarida ta’lim muassasalarini tugatgan talabgorlar kirish test sinovlarida ishtirok etish uchun belgilangan to‘lovni amalga oshiradi.

Davlat test markazi matbuot xizmati