https://t.me/tentakminds telegram kanali va ushbu kanalga murojaat yo‘llagan hurmatli abituriyentlar! Savollaringizga javob berishdan oldin e’tiboringizga ma’lum qilib o‘tmoqchimiz. Davlat test markazi nafaqat “tirik”, balki har doimgidanda faol, xodimlar ishxonada yoki turli shaklda ta’tilda bo‘lsalarda, tinmay mehnat qilmoqdalar.

Xodimlar abituriyentlarga uyidan chiqmagan va sarf-xarajat qilmagan holda ro‘yxatdan o‘tish, test sinovlarida ishtirok etish, test topshiriqlarini soddalashtirish, test sinovlarini abituriyentlar uchun qulay hududlarda tashkil etish, jarayonlarni shaffof, adolatli o‘tkazish, oliy ta’lim muassasalariga o‘qishga kirish imtihonlarini soddalashtirish va boshqa juda ko‘plab dolzarb masalalar, shuningdek, qo‘shimcha qulayliklar, imkoniyatlar yaratish bo‘yicha shug‘ullanmoqdalar. Bu to‘g‘rida onlayn videomuloqotlar o‘tkazilmoqda, ommaviy axborot vositalari, shuningdek, rasmiy veb-saytlari, telegram messenjeridagi kanallari va ijtimoiy tarmoqlardagi sahifalari orqali muntazam axborot, ma’lumotlar berib borilmoqda, xizmat ko‘rsatish uchun tashkil etilgan botlar orqali abituriyentlarning sifatli va puxta tayyorgarlik ko‘rishlari uchun hech qanday to‘lovlarsiz xizmat ko‘rsatilmoqda, kunlik kelib tushayotgan barcha savollarga vaqtida asosli javob berilmoqda.

Shu o‘rinda Davlat test markazining faoliyat ko‘rsatayotgan markaziy apparat va viloyatlardagi bo‘limlari veb-saytlari, ijtimoiy tarmoq sahifalari, telegram messenjeridagi kanallari, xizmat ko‘rsatish botlari nomlari va havolalarini keltirib o‘tamiz.

RASMIY VEB-SAYTLAR:

1. Davlat test markazining rasmiy veb-sayti - dtm.uz

2. Chet tilini bilash va egallash darajasini baholash  boshqarmasi rasmiy veb-sayti - nsfla.dtm.uz

3. DTM Xorazm viloyati bo‘limi rasmiy veb-sayti - dtmxorazm.zn.uz

IJTIMOIY TARMOQLARDAGI SAHIFALARI:

1. DTM facebook sahifasi - https://www.facebook.com/dtm.uzbekistan/

2. DTM instagram sahifasi - https://www.instagram.com/dtm.uzbekistan/

3. DTM youtube kanali - https://www.youtube.com/channel/UCKpI-VH4ckfHvFgcpGbyPTw

TELEGRAM KANALLAR:

Markaziy apparat

1. Davlat test markazi - https://t.me/davlat_test_markazi_direktori

2. Davlat test markazi - https://t.me/rasmiydtm

3. Davlat test markazi - https://t.me/officialdtm

4. Davlat test markazi - https://t.me/nsfla_uz

Viloyatlardagi bo‘limlari

5. Qoraqalpog‘iston Respublikasi - https://t.me/dtmnukus

6. Andijon viloyati - https://t.me/DTM_ANDIJONOFFICIAL

7. Namangan viloyati - https://t.me/dtmnamangan

8. Farg‘ona viloyati - https://t.me/dtm_fargona

9. Buxoro viloyati - https://t.me/dtmbuxoro

10. Xorazm viloyati - https://t.me/dtmxorazm

11. Qashqadaryo viloyati - https://t.me/DTM_Qashqadaryo_viloyati

12. Surxondaryo viloyati - https://t.me/Dtm_surxondaryo

13. Jizzax viloyati - https://t.me/jizzax_dtm

14. Navoiy viloyati - https://t.me/dtmnavoiy

15. Samarqand viloyati - https://t.me/dtm_samarqand

16. Sirdaryo viloyati - https://t.me/dtmsirdaryo

XIZMATLAR

• Majburiy fanlar va diagnostik test - 5fan.dtm.uz

• DTM bot xizmati - @dtmxizmatbot, @dtmtaklifbot va @dtmga_murojaat_bot

• Sertifikat-nazorat - nsfla.dtm.uz/index.php/uz/sertifikatlar

• Online test topshirish - onlinetest.dtm.uz/newtest 

SAVOLLARGA JAVOBLAR

1. Bu yil imtihonlar bo‘ladimi?

Albatta bo‘ladi, lekin uning qay shaklda o‘tishi, qachon o‘tishi Respublika maxsus komissiyasi tomonidan belgilanadi. O‘zgarishlar yuzasidan ommaviy axborot vositalari orqali e’lon beriladi.

2. Men IELTS imtihoni uchun hujjat topshirib qo‘ygan edim, endi imtihonlar keyinga suriladigan bo‘ldi, hozirda imtihon olish vakolatiga ega tashkilotlar avgust yoki sentabr oylariga imtihonni o‘tkazib berishi haqida aytishyapti, milliy sertifikatga hujjat topshirsa bo‘ladimi?

Talabgorning tegishli sertifikat olish uchun xalqaro yoki milliy baholash imtihonlari tizimidan qaysi birini tanlashi uning o‘z ixtiyorida. Biroq mamlakatimizda davom etayotgan karantin cheklovlari davrida chet tillaridan milliy sertifikat olish uchun test sinovlarini o‘tkazish vaqtincha to‘xtatilgan. Ularga ruxsat berilgach, ishlar davom etadi va e’lon beriladi.

3. Karantinda qolib repititorlarga borib tayyorgarlik ham ko‘ra olmayapmiz, qishloq joyda turamiz, onlayn ta’limning umuman iloji bo‘lmayapti, telegramda bitta rasmni yuklash uchun yarim kun vaqt ketyapti. Shunga testlarda yengillik bo‘ladimi?

Yuqorida qayd etilganidek, ayni paytda Davlat test markazida test topshiriqlarini soddalashtirish ishlari olib borilmoqda. bulardan tashqari, e-Sinov tizimi va undan tekin foydalanish yo‘lga qo‘yilgan. Tizim orqali abituriyentlar xohlagan fandan variant olishi, savollarga javob berishi va natijasini bilish imkoniyati mavjud.

4. Hujjat topshirish qachondan boshlanadi? Barcha maktablar to‘rtinchi chorakni onlayn tugatar ekan, hali davlat imtihonlari qanday bo‘lishi haqida tayinli javob yo‘q, davlat imtihoni bo‘lmasa, attestat ham berilmaydi, masalan attestatni kech olsak, unda nima bo‘ladi?

Oliy ta’lim muassasalariga hujjat topshirish muddati bo‘yicha hozircha o‘zgarish yo‘q. Bir narsani bilishingizni istardik – abituriyent hujjatlarini test sinovida yaxshi natijaga erishib, tanlovdan muvaffaqiyatli o‘tgandan keyin o‘zi tanlagan oliy ta’lim muassasasiga topshiradi, ya’ni o‘qishga kirgandan keyin. Lekin avval boshda test sinovlarida ishtirok etish uchun ro‘yxatdan o‘tadi. Ro‘yxatdan o‘tkazish Davlat xizmatlari markazlari, Yagona interaktiv davlat xizmatlari portali hamda bu yildan boshlab, Davlat test markazining rasmiy dtm.uz  rasmiy veb-sayti orqali amalga oshiriladi. 

ESLATIB O‘TAMIZ: bu ishlarni amalga oshirish mamlakatimizda koronavirus pandemiyasi munosabati bilan tashkil etilgan Respublika maxsus komissiyasi ruxsat bergach mumkin bo‘ladi. Umumta’lim maktablarida yakuniy davlat imtihonlari qachon bo‘lishi va qanday o‘tishi ham maxsus komissiyaning qaroriga bog‘liq bo‘lib turibdi.

O‘zbekiston Respublikasi normativ-huquqiy hujjatlar loyihalari portali (regulation.gov.uz) da “Oliy ta’lim muassasalariga kirish imtihonlarini yanada soddalashtirish to‘g‘risida” (ID-16874) O‘zbekiston Respublikasi Prezidenti qarori loyihasi joylashtirilib, umumxalq muhokamasiga qo‘yilgan. Qaror loyihasidan Siz so‘rayotgan masalalar ham o‘rin olgan. U bilan tanishib chiqing va o‘z fikr-mulohazalaringizni (o‘z pozitsiyangizni) bildiring, faol bo‘ling.

Davlat test markazi o‘zining vazifa va vakolatiga oid har qanday shakl va mazmundagi savollarga to‘liq, asosli javob berib borishga tayyor.

Davlat test markazi matbuot xizmati