Ichki ishlar vazirligi akademik litseylari hamda “Temurbeklar maktabi” va “Yosh chegarachilar” harbiy-akademik litseylariga o‘qishga qabul qilish bo‘yicha test sinovlari 2021-yil 18-avgust kuni 1-smenada bo‘lib o‘tadi va 07:00 da boshlanadi.

Test sinovlari respublika bo‘yicha quyidagi ochiq maydonlarda o‘tkaziladi:

• Qoraqalpog‘siton Respublikasi – “Turon” markaziy stadioni;
• Andijon viloyati – Sportning o‘yin turlari va yengil atletikaga ixtisoslashtirilgan bolalar-o‘smirlar sport maktabi stadioni (3-sektor);
• Namangan viloyati – 17-bolalar-o‘smirlar sport maktabi “Navbahor-umid” stadioni;
• Farg‘ona viloyati – Farg‘ona davlat universiteti stadioni;
• Buxoro viloyati – “Dilkusho” tennis sport majmuasi;
• Xorazm viloyati – Futbol akademiyasi qoshidagi “Xorazm” sport majmuasi (1-sektor);
• Surxondaryo viloyati – Termiz ixtisoslashtirilgan olimpiya zaxiralari maktab-internati futbol maydoni;
• Qashqadaryo viloyati – “Nasaf” futbol klubi mashg‘ulotlar maydoni (2-sektor);
• Jizzax viloyati – “So‘g‘diyona” markaziy o‘yingohi futbol maydoni (1-sektor);
• Navoiy viloyati– “Kimyogar” o‘yingohi;
• Sirdaryo viloyati – Guliston markaziy o‘yingohi (1-sektor);
• Samarqand viloyati – Lokomativ markaziy jismoniy tarbiya sport klubi Samarqand filiali futbol stadioni (1-sektor), Samarqand shahar 2-son bolalar va o‘smirlar sport maktabi futbol maydoni;
• Toshkent shahri – Botanika bog‘i (1-2-3-sektorlar).

Talabgorlardan test sinovi o‘tkaziladigan hududga shaxsini tasdiqlovchi hujjat va test sinovida ishtirok etish uchun ruxsatnoma bilan 06:30 dan kechikmagan holda kelishlari so‘raladi.

Test sinovida ishtirok etish uchun ruxsatnoma talabgor hujjat topshirgan ta’lim muassasasi tomonidan tarqatiladi.

Davlat test markazi matbuot xizmati