Davlat komissiyasining 2-son bayoniga muvofiq pandemiya sharoitida abituriyentlar sog‘lig‘iga xavf-xatarning oldini olish hamda ularga qulay sharoit yaratish maqsadida 2020-2021-o‘quv yili qabulida istisno tariqasida:

Test sinovlari bilan bir qatorda kasbiy (ijodiy) imtihonlar o‘tkaziladigan bakalavriat ta’lim yo‘nalishlari bo‘yicha kasbiy (ijodiy) imtihonlar test sinovlari bilan almashtiriladi.

Test sinovlari bilan bir qatorda kasbiy (ijodiy) imtihonlar o‘tkaziladigan bakalavriat ta’lim yo‘nalishlariga kirish imtihonlari to‘liq test sinovlari orqali amalga oshirilishini inobatga olib, faqat mazkur ta’lim yo‘nalishlariga o‘qishga kirish uchun ro‘yxatdan o‘tgan abituriyentlarga test topshiradigan fanlar majmuasi va ketma-ketligi bir xil bo‘lgan qo‘shimcha 4 tagacha bakalavriat ta’lim yo‘nalishlarini 2020-yil 16-avgustga (16-avgust kuni ham) qadar tanlash huquqi beriladi.

Davlat test markazi matbuot xizmati