Ózbekstan Respublikası Prezidentiniń 2021-jıl 22-iyun sánesindegi PQ-5157-sanlı qararınıń 1a-qosımshası menen 2021-2022-oqıw jılında Ózbekstan Respublikası joqarı bilimlendiriw mákemeleri bakalavriatınıń sırtqı bilimlendiriw forması boyınsha mámleketlik buyırtpası tiykarında qabıllaw parametrleri tastıyıqlanǵan bolıp, respublikamızdıń 14 joqarı bilimlendiriw mákemesi ushın “Sociallıq is (puqaralardıń ózin ózi basqarıw organları)” bilim baǵdarına qabıllaw kórsetkishleri ajıratılǵan.

Ministrler Kabinetiniń 2021-jıl 8-yanvardaǵı 3-sanlı qararına tiykarlanıp 2021-2022-oqıw jılınan baslap pedagogika hám finans-ekonomika tarawlarındaǵı joqarı bilimlendiriw mákemelerinde “Sociallıq is” bakalavriat bilim baǵdarı boyınsha puqaralardıń ózin ózi basqarıw organları ushın sırtqı bilimlendiriw formasında kadrlar tayarlaw sistemasın engiziw belgilengen bolıp, “Sociallıw is (puqaralardıń ózin ózi basqarıw organları)” bilim baǵdarına tek Puqaralardıń ózin ózi basqarıw organları xızmetkerleri usınısnama tiykarında oqıwǵa kiriw múmkin.

Bunda Máhálle hám shańaraqtı qollap-quwatlaw ministrligi tárepinen berilgen usınısnamaǵa iye bolǵan hám de kiriw imtixanlarınan tabıslı ótken puqaralardıń ózin ózi basqarıw organları xızmetkerleri belgilengen tártipte talabalıqqa usınıs etiledi.

Joqarılardaǵıdan kelip shıǵıp, basqa taypadaǵı abiturientler “Sociallıq is (puqaralardıń ózin ózi basqarıw organları)” bilim baǵdarı ushın tańlawda qatnasa almaydı.

Sol sebepli, my.dtm.uz saytı arqalı onlayn dizimnen ótiwde bul bilim baǵdarı shıqpaydı.

Atap ótiw kerek, joqarı bilimlendiriw mákemelerinde “Sociallıq is (shańaraq hám balalar menen islesiw)” bilim baǵdarı da bar bolıp, abiturientler onlayn dizimnen ótiwde bul bilim baǵdarın tańlawı múmkin.

Mámleketlik test orayı xabar xızmeti