Oliy va o‘rta maxsus ta’lim vazirligi va Davlat test markazining taklifiga muvofiq O‘zbekiston Respublikasi davlat oliy ta’lim muassasalariga o‘qishga qabul qilish jarayonlarini muvofiqlashtirish bo‘yicha Davlat komissiyasining 2022-yil 29-dekabrdagi majlisi 10-son bayoni bilan “Davlat oliy ta’lim muassasalariga kirish uchun berilgan imtiyozlarning yagona REYESTRI” tasdiqlandi.

Reyestrdan 41 ta imtiyoz turi o‘rin olgan bo‘lib, ular quyidagi kategoriyalarga bo‘lingan:

1.  Imtihonsiz qo‘shimcha davlat granti asosida talabalikka tavsiya etish bo‘yicha imtiyozlar (15 turdagi imtiyoz).

2. Imtihonsiz bazaviy to‘lov-kontrakt asosida talabalikka tavsiya etish bo‘yicha imtiyozlar (4 turdagi imtiyoz).

3. Tegishli fan bo‘yicha imtihondan ozod etilib, ma’lum miqdorda ball berish bo‘yicha imtiyozlar (5 turdagi imtiyoz).

4. To‘plangan ballga nisbatan qo‘shimcha ball berish bo‘yicha imtiyozlar (2 turdagi imtiyoz).

5. Qo‘shimcha kvota doirasida tanlovda ishtirok etish bo‘yicha imtiyozlar (12 turdagi imtiyoz).

6. Qo‘shimcha imtiyozlar (3 turdagi imtiyoz).

Shuningdek, reyestrda imtiyozlar tasnifi, imtiyoz berilishiga mas’ul vazirlik va idoralar, imtiyoz beriladigan abituriyentlar toifasi hamda imtiyoz berilishida huquqiy asos bo‘ladigan normativ-huquqiy hujjatlar nomlari keltirilgan.

Bular o‘z navbatida abituriyentlar uchun imtiyozlar bo‘yicha batafsil tushuncha berishga xizmat qiladi.

Davlat test markazi matbuot xizmati